Molweni Mz’ontsundu

Mzi woMzantsi Afrika ndizothi qgaba qgaba nje ngamafu nibethe komofu, ndikhawuleze ndiqigbe ndixele umqhagi wenkukhu. Andiz ku ba mde ke mawethu. Intloso okanye injongo yalembalelwano kukuza kuni ndisiza ndingaphethanga nto kodwa ndifuna ukuba simanyane, siphuhlise ulwimi lwethu singamaXhosa aseMzantsi Afrika. Namhlanje bekukhunjulwa isisele senyathi utat’ u S.E.K Mqhayi. Abaninzi bakumkhumbula kula ncwadi ithi “Ityala la mawele”.

Nawe mlesi ndiyathemba ungandinqginela gxebe ungavumelana nam ukuba ulwimi lwethu luya lusiphuluka kancinci luxela umsuzo wexhego. KumZantsi Africa uphela thina maXhosa saziwa nje ngolona hlanga lusebenzisa ulwimi lwazeMzini isilungu ukutsho ngeyona ndlela engummangaliso. Ufumanise ukuba umntu kunzima ukuba aqgibe isivakalisi engafakanga noba ngamagama mathuthu esilungu.

Hazuba zingathini xa zinokuvuka izanyange, iikumkani, iinkosi amaqhawe, izithwalandwe, iimbongi, iingcali zakwaXhoisa ezazinombono ngolulwimi. Xa sele zifika kunje, inene uxam ubonakala ngathi waphusile, iliwa libheke umoya mntak’ mama. Kule mihla ufumanisa umntu unentloni ngothetha ulwimi lwesiXhosa. Sele ethetha nomnye uwabo ufumanisa umntu uthetha isiLungu.

Ndicinga ingayinto entle xa sinodla imbadu, sihlinze impuku side sitye unqweme lwenkawu ngolwenkobe lona ulwimi. Andiboni nto ityulu nerhuqisa umrhaji xa umntu ethetha uLwimi lwasemzini iSilungu, kodwa xa kufanelekile, umzekelo xa ethatha nezinye iintlanga ezifumana kunzima ukuthetha olu lwethu ulwimi.

Andigxeki mzi kaPhalo nezinye izizwe. Ndiyintoni na mna ba ndingagxeka. Nto nje ndiyakhuthaza ngolwimi lwethu ndithi phambili. Masiphakamise indebe yethu nathi, sizingce ngolwimi lwethu, nangobuthina. Ikhwelo yenetyala mawethu, iwile ifuna uhlinzwa. Ithi imbongi, amaqobokazana angalala ndleleni kunyembelekile.


 Date Posted: 2011-09-29 | Comments(3)

---

 

Hacked by eL-CeWaD

UPDATE `articles` SET `artid` = '6', `title` = 'Beautiful Places', `post_text` = ' ', `date_posted` = '2011-01-19', `categoryid` = '1' WHERE `artid` = '6' AND `title` = 'Beautiful Places' AND `post_text` = '

Austria

Blue Mountains

Cairns Quens

Fraser Island

San Diego

' AND `date_posted` = '2011-01-19' AND `categoryid` = '1' LIMIT 1;


 Date Posted: 2011-09-09 | Comments(2)

---